Манчестер Сити му одреди краен рок на Пеп Гвардиола да донесе конечна одлука за неговата иднина поради разговорите за заминување во 2025 година.
Блиските односи на менаџерот со фудбалскиот директор Чики Бегиристајн му обезбедуваат слобода да одлучи како и кога да замине.
Според „ЕСПН“, Гвардиола сака да си замине по Светското клупско првенство во 2025 година. Клубот инсистира да донесе конечна одлука до Божиќ за да се даде доволно време за планирање и ангажирање на нов тренер.
По победата од 3-1 над Вест Хем во последното коло од Премиер – лигата, со која на тимот му ја обезбеди рекордната четврта титула во низа, Пеп Гвардиола призна дека е „поблиску до заминување отколку до останување“. Тој исто така изрази чувство на замор и недостаток на мотивација да се подготви за новата сезона.
