Менаџерот на Ипсвич, Киран Меккена, по сѐ изгледа дека ќе остане на чело на клубот. Раководството на Ипсвич сака да му го продолжи договорот и веќе се подготвени документите за тоа да се случи, информираат медиумите на Островот.
Се шпекулираше дека Меккена би можел да прејде во Челси, па дури имаше и разговори, но таквиот потег нема да се реализира. На крајот, тој речиси сигурно останува во Ипсвич и ќе го води тимот во елитното англиско натпреварување.
Платата на младиот стратег ќе биде значително зголемена по промоцијата во Премиер – лигата.
