Даниеле де Роси ќе продолжи да го води тимот на Рома. Италијанскиот стручњак ќе потпише нов тригодишен договор со „волчицата“.
Се очекува договорот официјално да биде објавен во наредните денови, откако ќе се разјаснат конечните детали од договорот. Новиот договор ќе биде со важност до 2027 година.
Де Роси ја презеде Рома во јануари по отпуштањето на Жозе Мурињо. „Волчицата“ пред последното коло се наоѓа на шестото место во Серија А и постојат изгледни шанси да обезбеди пласман во Лигата на шампионите, што го обезбеди Аталанта со освојувањето на трофејот во Лига Европа.
