Спортскиот директор на Барселона, Деко, во друштво на Бојан Кркиќ, кој е координатор меѓу првиот тим на Каталонците и академијата на клубот, имале средба со Ханси Флик, во Лондон, тврдат медиумите во Шпанија.
Ханси Флик треба да биде наследникот на Чави Хернандез, кој сепак ќе добие отказ откако го навлече гневот на управата поради непримерени изјави за финансиската состојба на клубот.
Ханси Флик е слободен откако во септември минатата година доби отказ од селекторската позиција во германската репрезентација.
