Поранешниот тренер на Олимпик Марсеј, Џенаро Гатузо, најверојатно кариерата ќе ја продолжи во Саудиска Арабија. Италијанскиот стратег е на прагот на договор со локалниот Ал-Тавон.
46-годишниот тренер ги договорил сите детали од договорот со арапскиот клуб, а веста се очекува само да биде официјално објавена.
Гатузо последен пат беше на чело на Олимпик Марсеј од септември 2023 година до февруари оваа година.
Ал-Тавон е четвртопласиран на табелата во првенството на Саудиска Арабија на две кола до крајот.
