Францускиот репрезентативец и дефанзивец на Баерн Минхен, Лукас Хернандез, ризикува да го пропушти Светското првенство 2022 година во Катар. Централниот дефанзивец заработи повреда на бутниот мускул при победата од 2-0 над Барселона во Лигата на шампионите.
Се очекуваше да биде подготвен за околу шест недели, но неговото закрепнување оди побавно од очекуваното.
Се очекува Хернандез да биде подготвен за настап кон средината на ноември, што може да се покаже како пресудно за неговото место во изборот на Дидие Дешамп.
На „Алијанц Арена“ се сериозно загрижени дека дефанзивецот нема да може да одигра ниту еден натпревар пред почетокот на Светското првенство. Самиот фудбалер сака што побрзо да се врати на терените, но стручниот штаб нема да ризикува со него.
