Рекордерот во француската фудбалска репрезентација, Оливие Жиру, ќе продолжи да игра во националниот дрес.
36-годишниот напаѓач на Милан, кој го држи клупскиот рекорд на „петлите“ со 53 гола на 120 натпревари, навести дека може да се откаже од националниот тим по поразот од Аргентина во финалето на Светското првенство. Сепак, Жиру верува дека има уште многу да и даде на својата земја и се надева дека ќе се појави во тимот за претстојната квалификациска кампања за Европското првенство.
„Не, не е готово. Се надевам дека претстојат многу емоции. Не сум подготвен да ги закачам копачките и да го соблечам синиот дрес кој ми е при срце. Мотивиран сум да продолжам и физички се чувствувам добро. Засега сè уште сум на располагање и сум играч на репрезентацијата на Франција“, изјави Жиру за телевизијата „Франс 2“.
Франција ја започнува својата квалификациска кампања за ЕП 2024 со натпреварите од групата Б против Холандија и Република Ирска во март.
