Интернационалната кариера на најдобриот стрелец на Франција, Оливие Жиру, заврши вчера, по поразот од 1-2 од Шпанија во полуфиналето на Европското првенство. Тој се повлекува по 137 натпревари за „петлите“ и 57 голови, повеќе од кој било друг репрезентативец на Франција.
37-годишниот Жиру го најави повлекувањето од репрезентацијата пред турнирот. Тој ќе ја продолжи својата кариера во ФК Лос Анџелес, откако последен пат играше за Милан.
Напаѓачот го одигра првиот натпревар за тимот во 2011 година против САД, кога Лорен Блан беше тренер, и беше во тимот на Франција кој ја освои титулата на Светското првенство 2018. Тој исто така играше на шампионатот во Катар во декември 2022 и на ЕВРО 2016, кога освои сребрен медал.
