Македонскиот шампион Струга ТЛ го пречекува тимот на Силекс во денешниот дуел (14 часот) од десеттото коло во Првата фудбалска лига. Составот на Шпетим Дуро има два порази по ред, од Шкупи и од Шкендија, па триумфот е императив за стружани.
Интернационалецот од Албанија, Вангел Згуро, во пресрет на овој натпревар најави дека Струга ТЛ треба да покаже зошто е актуелен шампион.
„Против Силекс ќе се обидеме да дојдеме до трите бода, да покажеме зошто сме шампиони. Да не заборавиме дека ние имаме и меч помалку,оној со Вардар кој допрва треба да го одиграме. Со победа повторно ќе бидеме горе на табелата. Максимално сме фокусирани и верувам дека ќе ги освоиме трите бода. Сакам да ги повикам навивачите и денеска да дојдат и да ни ја дадат поддршката“, изјави левиот бек на Струга ТЛ.
Во вториот денешен натпревар, Вардар е домаќин на Шкендија на стадионот „Борис Трајковски“ во Маџари.
ПРВА ЛИГА, 10.КОЛО
ВАРДАР – ШКЕНДИЈА (денеска, 14 часот)
СТРУГА ТРИМ ЛУМ – СИЛЕКС
БРЕРА – ГОСТИВАР 0-1
БРЕГАЛНИЦА – РАБОТНИЧКИ 2-1
ТИКВЕШ – ШКУПИ 1-1
ВОСКА – МАКЕДОНИЈА ЃП 2-1
