Connect with us

Втора лига Исток: Хет – трик на Наумов, Брегалница убедлива, триумф и за Тиквеш

Фудбалерите на Брегалница продолжуваат со убедливи игри и победи во Втората лига – Исток. Тимот на Марјан Секуловски славеше со 1-5 на гостувањето кај Росоман, а искусниот напаѓач Ристе Наумов беше стрелец на хет -трик. 

Триумфот беше најавен уште во првите 15 минути од средбата по фуриозниот почеток на избраниците на Марјан Секуловски. Најпрво Кристијан Ацковски во 9. минута донесе водство од 0-1, а потоа капитенот Ристе Наумов со два гола во 12. минута и во 14. минута зголеми на 0-3.

Домашните намалија со голот на Бојан Малинов во 65. минута, но седум минути подоцна Ристе Наумов заокружи хет-трик и зголеми на 1-4. Михаил Маневски со погодокот во 89. минута од средбата стави точка на триумфот. 

Тиквеш исто така славеше на гости, со 1-2 кај Каменица Саса. Едиз Спахиу донесе водство во 16.минута, шест минути подоцна од пенал израмни Даниел Гоцевски, а победничкиот гол за Тиквеш беше дело на Бобан Здравевски во 63.минута. 

Кит Го со 3-0 го совлада Кожуф. Мичковски во четвртата минута погоди за 1-0, а во 73. минута истиот фудбалер зголеми на 2-0. Конечниот епилог го постави Трпчевски во 84. минута. 

Осогово оствари триумф на гости (0-1) кај Плачковица. Стрелец на голот беше Поповски во 72. минута, додека со идентичен резултат заврши и дуелот меѓу Победа и Слога. Победа и Слога Виница ремизираа 1-1. Игор Момировски во петтата минута донесе предност за гостите, а израмни Дарко Грозданоски во 85.минута.

По 18. одиграни кола Брегалница е лидер на табелата со 48 бода, Тиквеш е втор со 41, а на третото место е Кит Го со 28 бода. 

Advertisement

Facebook

Тимови