Брера победи против Беса на гости со 0-1, но видливо е дека тренерот Горазд Михајлов сега има на располагање подмладен тим. Тоа не е лошо доколку е стратегија на клубот, но се чини дека тоа е резултат на малку послабата финансиска ситуација која во моментот ја има струмичкиот клуб.
Во Брера два месеца нема плата, а поголем дел од поискусните фудбалери се бунтувале поради ваквата ситуација и на крајот работата е „расчистена“ со спогодбен раскин на договорите.
Претходно заминаа Марјан Ристовски и Даниел Миловановиќ, а од денеска и Антонио Каланоски не е веќе член на Брера. Ги нема и Манев, Лазиќ, Јанкулов….во ростерот.
