Напаѓачот на Јувентус, Душан Влаховиќ, сѐ уште е повреден, а голема е веројатноста да го пропушти дерби натпреварот против Наполи на 13 јануари во Серија А, пренесуваат италијанските медиуми.
Јувентус се надеваше дека може да игра против Наполи, но, според „Газета дело спорт“, Влаховиќ ќе го пропушти и тој меч.
Српскиот репрезентативец долго време се мачи со оваа повреда, а последниот меч за Јувентус го одигра на 25 октомври против Бенфика.
На Светското првенство играше малку, а селекторот Драган Стојковиќ исто така тврдеше дека Влаховиќ има повреда и не е стопроцентно подготвен.
