Напаѓачот на Наполи, Виктор Осимен, е прогласен за најдобар африкански фудбалер за 2023 година. Церемонијата на доделувањето се одржа во Маракеш (Мароко).
Напаѓачот на Ливерпул, Мохамед Салах, и дефанзивецот на ПСЖ, Ашраф Хакими, беа другите двајца номинирани за наградата.
За најдобар тренер е прогласен Валид Реграги, кој го предводеше Мароко до полуфиналето на Светското првенство во 2023 година во Катар.
Најдобар голман е Јасин Буну, Мароканецот од Ал-Хилал.
Осимен минатата сезона одигра 39 натпревари за Наполи, постигна 31 гол и забележа пет асистенции. 24-годишниот Нигериец им помогна на „наполитанците“ да ја освојат Серија А.
Во 2022 година, наградата за најдобар играч на годината му припадна на Садио Мане од Сенегал.
