Селекторот на младата фудбалска репрезентација на Македонија до 21 година, Благоја Милевски, очекува националниот тим во Израел да го стори тоа што го пропушти на дуелот во Скопје – да победи.
„Целта за нас секогаш била да излеземе на терен, да го дадеме најдоброто од себе и да победиме на секој натпревар. Освен последниот меч со Израел, на сите останати натпревари во овие квалификации бевме на високо ниво и ако ја повториме таа игра ќе оствариме одличен резултат. Најважно е како Македонија ќе изгледа на терен, а не противникот“, вели Милевски.
