Верона успеа да сопре италијанскиотп првак Јувентус играјќи 1-1 на домашен терен. Тимот на Андреа Пирло имаше водство со голот на Кристијано Роналдо постигнат во 49.минута, но израмни Антонин Барак во 77.минута од дуелот.
„Старата дама“ се соочува со многу изостаноци поради повреди, па Пирло речиси и да немаше опции од клупата за резерви. Во една таква ситуација можеби еден бод е и најреален плен од ова гостување.
Јувентус сега има 46 бода, се наоѓа на третото место и заостанува големи седум бода зад лидерот Интер.
