Досегашниот тренер на Вардар, Александар Васоски, официјално се договори да седне на клупата на Силекс. Кратовскиот прволигаш претходно се раздели со Горазд Михајлов, кој речиси сигурно во пролетниот дел од сезоната ќе биде тренер на Вардар.
Двата клуба всушност си ги заменија тренерите. Со ангажманот на Васоски, Силекс покажува амбиции за највисок пласман во наредниот период.
Александар Васоски во Македонија го предводеше и тимот на Брера, а беше и на кормилото на босанскиот прволигаш Сараево.
