Најтрофејниот македонски клуб Вардар е меѓу десетте најголеми губитници од распадот на поранешна Југославија, истакна фејсбук страницата за ексју – фудбал. Вардар е сместен на осмото место од десет клуба кои најмногу загубиле со расформирањето на поранешната југословенска лига, а меѓу губитниците се речиси сите големи клубови од тоа поранешно време, освен Динамо Загреб кој и во овој нов период функционира одлично и има забележителни резултати.
Најголем губитник е Хајдук Сплит, на третото место е Вележ Мостар, а на петтото Црвена Звезда
„Веројатно испаѓањето на Вардар во Втората лига не е прв ваков случај во историјата на најголемиот македонски клуб. Ист случај имаше во 2011 година, кога Вардар заврши како претпоследен и се спаси со фузијата со Миравци од истоименото село крај Гевгелија. Двократното испаѓање од слабата македонска лига, без оглед на повремените домашни и европски излети, го става некогашниот ‘шајберов шампион’ меѓу најголемите губитници во фудбалската транцизија на овие простори.
Изгледа дека некогашниот југословенски великан и фудбалска гордост на Македонија се претопи во сивилото и просечноста. Македонија во СФРЈ имаше еден, евентуално два прволигаши и кога од таква конкуренција треба да направите посебна лига, без спонзорства на државните фирми, без возрасна граница која постоеше во југословенскиот фудбал, без гледачи, без ТВ-права, денешната македонска лига е на ранг, а можеби и под рангот на некогашните републички лиги во бившата држава. Во таква конкуренција тешко е да се направи и да се задржи квалитетот“, се објаснува ситуацијата во ФК Вардар и рангирањето на осмото место меѓу екс-југословенските губитници.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski