Дуелите меѓу Шкупи и Вардар секогаш предизвикуваат посебно внимание. Оваа сезона „црвено-црните“ се обидуваат да обезбедат опстанок во елитата, а Шкупи е во трка за шампионската титула. Бодовите им се потребни и на двете екипи, па се очекува повторно жестока пресметка.
Младинскиот репрезентативец Хамза Рамани најави дека Шкупи размислува само за триумф.
„Мора да го победиме Вардар. Ја знаеме нашата цел и максимално сме фокусирани да ја оствариме. Со поддршката од нашите фанови, уверен сум дека ќе славиме триумф на денешниот натпревар“, изјави Рамани.
Во Кавадарци, Тиквеш ќе се сретне со Силекс. Кратовци беа во низа од две победи пред репрезентативната пауза и ќе се обидат да ја продолжат, додека домаќинот сака со триумф да се израмни со Силекс на табелата. Ова е пресметка на екипи кои се наоѓаат на позиции 4 и 5 на табелата.
Останатите натпревари од 25.коло во Првата лига се играат утре.
ДВОЈКИ ПРВА ЛИГА, 25. КОЛО
ШКУПИ – ВАРДАР (денеска, 15 часот)
ТИКВЕШ – СИЛЕКС
БРЕРА – РАБОТНИЧКИ (утре, 15 часот)
СТРУГА ТЛ – ВОСКА
ШКЕНДИЈА – БРЕГАЛНИЦА
ГОСТИВАР – МАКЕДОНИЈА ЃП
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski