Вардар го промовираше и гамбискиот напаѓач Сусо

Најтрофејниот македонски клуб Вардар доведе уште едно странско засилување. „Црвено-црните“ го официјализираа ангажманот на Кеба Кебел Сусо.

26 – годишниот напаѓач од Гамбија доаѓа од екипата на Јадран Декани од Словенија каде постигна седум гола на 12 натпревари. Тој во досегашниот тек на кариерата настапувал и за екипите на Атард и Викторија Хотспурс на Малта.

Кеба Сусо постигна два гола за Вардар на пријателскиот натпревар против Каменица Саса (4-1).