Детонит Плачковица за малку не успеа да оствари историски пласман во елитата оваа сезона. Стигна до баражот, со освојувањето на третата позиција на табелата во Втората лига, но таму загуби од најтрофејниот македонски клуб Вардар.
Сепак, и покрај тоа, мораат да бидат задоволни од постигнатото во второлигашот од Радовиш.
Раководството ја анализираше ситуацијата и му понуди нов договор на тренерот Иван Варадиновски. Тој и следната сезона ќе го предводи тимот на Детонит Плачковица низ второлигашките искушенија.
