Валон Етеми на списокот „повредени“ кај Милевски

Селекторот на фудбалската репрезентација на Македонија, Благоја Милевски, има нов дополнителен проблем во пресрет на стартот на подготовките за мечевите од Лигата на нации против Грузија и против Бугарија.

Покрај Дарко Чурлинов, кој ќе отсуствува два месеци, на повреда се пожали и Валон Етеми кој поради повреда не играше за Истанбулспор во ремито 2:2 против Бешикташ. Неговиот настап на претстојните мечеви со Грузија во петок во Тбилиси и со Бугарија во понеделник во Скопје е крајно неизвесен.

„После магнетната резонанца при прегледот на Етеми е констатирано истегнување на горниот преден десен мускул на ногата. Се надеваме дека брзо ќе закрепне и ќе се врати на теренот“, објавија од Истанбулспор.