Борнмут го победи Њукасл со 2-0 во 12. коло од Премиер – лигата со головите на Доминик Соланке. Тоа беше втор пораз за Њукасл оваа недела, откако тимот на Еди Хау беше поразен од Борусија Дортмунд во Лигата на шампионите.
Навивачите на Њукасл беа незадоволни по нов пораз, па мораше да реагира капитенот Киеран Трипие.
Англискиот репрезентативец отворено се пресмета со еден од навивачите на трибините.
Навивачот жестоко ги критикуваше играчите, што стигна до Трипие. Не можеше да се воздржи.
„Колку повредени имаме?“, го праша Трипие навивачот неколку пати.
Фудбалерот на Њукасл алудира на тоа дека Ееди Хау не можеше да смета на дури десетмина играчи.
Поради повреди отсуствуваа Вилсон, Андерсон, Барнс, Ботман, Бурн, Исак, Менкил, Марфи и суспендираните Гимараеш поради картони и Тонали поради обложување.
