Кипарскиот тим АЕК Ларнака ремизираше (1-1) на домашен терен против Макаби Хаифа во првиот меч од третото квалификациско коло во Конференциската лига. Трагичар на овој дуел беше македонскиот интернационалец Иван Тричковски кој во финишот не успеа да реализира пенал.
Тричковски влезе во игра во 69.минута, а во 86.минута не беше успешен од белата точка.
Макаби Хаифа поведе со голот на Коен во 64.минута, а АЕК Ларнака израмни преку Фарај во 80.минута. Шест минути подоцна Тричковски пропушти одлична шанса од пенал да донесе победа.
