Тричко кажува збогум: Срцето и натаму ќе чука за Македонија

Заминувањето на Гранде Пандев некако го засени заминувањето и на Иван Тричковски од фудбалската репрезентација на Македонија. По 12 години во националниот тим, тој емотивно се збогува од дресот со националниот грб.

„Работат емоциите, цели 12 години сум дел од репрезентацијата и среќен сум што оваа генерација достигна височини, да биде учесник на Европско првенство. И понатаму ќе останам верен навивач на репрезентацијата, срцето ќе чука за Македонија. Им посакувам на соиграчите пласман на Светско првенство и на следно Европско првенство. Овие момци имаат квалитет за тоа“, изјави Иван Тричковски.