Турскиот гигант Трабзонспор и понатаму се обидува да го доведе македонскиот репрезентативец Аријан Адеми на позајмица за оваа сезона. Тренерот Ненад Бјелица, кој одлично ги познава квалитетите на Адеми од периодот кога работеа заедно во Динамо Загреб, смета дека токму таков калибар на фудбалер му недостасува во средниот ред на тимот.
Адеми на почетокот на годината замина во Пекинг Гуан, откако цели 13 години го носеше дресот на Динамо Загреб. Трабзонспор сега се обидува брзо да го врати во Европа.
