Англискиот премиерлигаш Тотенхем го бара наследникот на Жозе Мурињо. Рајан Мејсон, тренерот на младинскиот тим, ќе ја доработи оваа сезона со сениорскиот тим на Тотенхем, но за следната во Лондон треба да пристигне квалитетен стратег.
Медиумите на Островот најавуваат дека тоа би можел да биде Ханси Флик , сегашниот тренер на Баерн Минхен. Тој дефинитивно заминува од „Алијанц арена“, се најавува и како нов селектор на германскиот национален тим, но Тотенхем би можел сериозно да ги наруши плановите на ДФБ. Премиерлигашот е подготвен да му понуди на Ханси Флик двојно поголема плата од селекторската заработка со фудбалската репрезентација на Германија.
