Торган Азар и официјално стана нов играч на Андерлехт по трансферот за 4 милиони евра од Борусија Дортмунд.
30-годишниот офанзивен играч за врска доаѓа по завршувањето на неговата позајмица во ПСВ, потпишувајќи договор на три сезони.
„Многу сум среќен што потпишав за Андерлехт. Исто така сакав да се вратам во Белгија со моето семејство. Го следев клубот внимателно цело лето и бев импресиониран од потписите, квалитетот на тимот и проектот на клубот. навистина сакав да бидам дел од тоа, и со нетрпение очекувам да се сретнам со сите и повторно да ја откријам белгиската лига“, рече Азар по неговото пристигнување.
Првиот човек на клубот за спортски операции, Јеспер Фредберг, ги истакна квалитетите на Торган.
„Имаме големи амбиции за иднината. Доведувањето на Торган Азар овде е уште еден доказ за тоа. Торган е Белгиец, искусен и одговара на профилот што го баравме: тој е технички вешт, офанзивен, но има физички и агресивен аспект во неговата игра. Пред сè, тој е сè уште многу гладен да постигне успех со нас. Со нетрпение очекуваме да ја градиме иднината заедно со овој тим“, изјави Фредберг.
