Арсенал го сопре победничкиот чекор на Лестер совладувајќи го на гости со 1-3. Тимот на Микел Артета успеа да направи комплетен пресврт откако Јури Тилеманс донесе водство за Лестер со погодокот во шестата минута.
Давид Луиз израмни со одличен гол со глава, а Александре Лаказет од пенал се погрижи за пресврт пред самиот истек на првиот дел. Во второто полувреме, Николас Пепе зголеми на 1-3 во 52.минута и тоа беше комплетен нокаут за „лисиците“.
Лестер останува на третото место со 49 бода, додека Арсенал се проби на деветтата позиција со 37 бода.
