Таткото на Лионел Меси вчера беше забележан во главниот град на Саудиска Арабија, Ријад, а како доказ се појавија слики од неговото пристигнување. Ова предизвика уште еден силен бран шпекулации дека неговиот син ќе добие рекордна понуда и на лето ќе заврши во оваа азиска земја.
Со недели, различни медиуми тврдеа дека Ал-Итихад сака да му понуди на Меси 194 милиони фунти по сезона за да го ангажира како слободен играч на лето кога ќе му истече договорот со Пари Сен Жермен.
Во јануари, Кристијано Роналдо се пресели кај големиот ривал Ал-Наср за да стане најплатениот спортист во историјата, потпишувајќи за 175 милиони фунти годишно. Ако тоа се случи, двете легенди би можеле да го обноват своето ривалство по долгогодишна борба за најголемите награди на клупско, национално и на лично ниво.
