Српскиот интернационалец Немања Босанчиќ е промовиран во нов фудбалер на македонскиот прволигаш Струга Трим Лум. Тој пред неколку дена пристигна во редовите на стружани, а постигна и погодок на пријателскиот натпревар против Пелистер.
Босанчиќ е офанзивен играч за врска, доаѓа од српскиот клуб Колубара, а претходно има настапувано за Инџија, Беране и за Борац Чачак.
Струга Трим Лум со големи амбиции го очекува и вториот дел од сезоната во Првата фудбалска лига.
