Струга ТЛ подобра од Лапи во „генералката“ пред дуелите со Слован Братислава во ЛШ

Македонскиот првак Струга Трим Лум го победи тимот на Лапи со 2-0 во последниот пријателски натпревар од летните подготовки. Тоа е трета победа во низа за стружани кои се подготвуваат за дуелите против Слован Братислава во првото квалификациско коло од Лигата на шампионите.

Струга ТЛ беше подобар ривал и заслужено стигна до триумф на овој меч. Марјан Радески успеа да го отвори резултатот во 28.минута, а победата ја потврди Компаоре со погодокот во 62.минута од мечот.