Во летото 2023 година, Рандал Коло Муани беше еден од најбараните напаѓачи во Европа, заедно со Гонсало Рамош од Бенфика. Муани тогаш играше за Ајнтрахт Франкфурт и блескаше во Бундес-лигата, а во септември истата година го оствари огромниот трансфер во Пари Сен Жермен.
Парижаните на германскиот клуб му исплатија 95 милиони евра отштета, а Муани потпиша петгодишен договор со годишна плата од 10 милиони евра по сезона.
Само 16 месеци подоцна, Муани е на излезна врата од ПСЖ, кој му порача дека може слободно да бара нов клуб. Французинот од неговото доаѓање во ПСЖ одигра 54 натпревари, постигна 11 голови и асистираше за седум, што очигледно е учинок кој раководството на францускиот првак го смета за недоволно добар.
Поради тоа, клубот го пушти на позајмица во италијанскиот Јувентус, кој ќе има право да го откупи неговиот договор по истекот на позајмицата. Муани веќе пристигна во Торино, се фотографираше на аеродромот, и сè беше подготвено за потпишување на договорот. Но, трансферот беше блокиран. Според информациите, ПСЖ веќе има шест играчи на позајмица, што е максималниот дозволен број за еден клуб.
Во моментов, Јувентус веќе разгледува алтернативи за Муани, доколку ПСЖ не успее да го реши овој проблем.
