Португалскиот првак Спортинг Лисабон го назначи Жоао Переира за нов главен тренер на тимот.
Четириесетгодишниот Переира претходно го водеше вториот тим на клубот и е дел од системот на Спортинг од 2021 година. Тој и како играч настапуваше за лисабонските Лавови во текот на својата фудбалска кариера.
Переира го наследи Рубен Аморим, кој од денеска и официјално е нов менаџер на англискиот премиерлигаш Манчестер јунајтед, иако сѐ уште ја чека работната дозвола од Обединетото Кралство.
