Разделбата меѓу Наполи и тренерот на тимот Лучијано Спалети е само прашање на време, меѓутоа тој се погрижи засекогаш да остане во него споменот од освоената трета титула на Италија за „партенопеите“.
Спалети реши да го овековечи своето скудето со Наполи со тетоважа на левата рака, а фотографијата од креацијата на Валентино Русо брзо доби внимание на социјалните мрежи.
Самата тетоважа, која е прва за тренерот, е растргнато месо, зад кое се гледа амблемот на наполитанскиот клуб, како и „скудетото“ со бројот три, симболизирајќи го бројот на титули на „наполитанците“. Овој триумф е исклучително важен не само за тимот што го чека 33 години, туку и за искусниот стручњак кој со 64 години стана најстариот тренер кој ја освоил својата прва титула во Италија.
Интересно е што пред една година тренерот на Милан, Стефано Пиоли, направи слична тетоважа откако го освои шампионатот со „росонерите“.
