Вардар беше единствениот македонски прволигаш кој влезе во пролетната полусезона без одработени подготовки, па снежните врнежи и одложувањето на најголемиот дел од натпреварите во првото пролетно коло им се погоди на „црвено-црните“. Добиваат шанса да одработат неколкудневни мини-подготовки и тоа ќе го реализираат во Охрид.
Очигледно дека и финансиски најтрофејниот клуб полека почнува да функционира, па тренерот Никола Илиевски Џиџи заедно со соработниците ќе има подобри услови за работа.
Вардар во првото пролетно коло, кое сега е одложено за 21 февруари, ќе го пречека вечниот ривал Пелистер во Скопје.
