Лацио ја декласира Рома во дербито на „вечниот град“. Тимот на Симоне Инзаги славеше со убедливи 3-0 во пресметката за Рим и се искачи на седмата позиција со 31 бод, три помалку од Рома.
Чиро Имобиле во 14.минута донесе водство за Лацио, а потоа на сцена стапи Луис Алберто. Во 23.минута тој зголеми на 2-0, а во вториот дел со уште еден погодок го уништи градскиот ривал Рома.
Един Џеко до крајот имаше можност за да постигне почесен погодок за Рома, но Пепе Реина имаше одличен меч и не дозволи да се тресе неговата мрежа.
