Италијанскиот фудбалер Џанлука Скамака (24) е решен да го напушти Вест Хем Јунајтед во претстојниот преоден рок. Медиумите од Апенините пренесуваат дека Скамака е разочаран од својот статус во источен Лондон и дека летово дефинитивно ќе ги напушти „чеканите“.
Скамака упорно ја грее клупата под водство на менаџерот Дејвид Мојс, особено откако во клубот пристигна Дени Ингс.
Сосема е јасно дека Скамака и следната сезона нема да биде во преден план, а дополнително „гори“ да се врати во италијанската Серија А, бидејќи има понуда од Јувентус.
„Бјанконерите“ се во финансиски проблеми и клубот веќе го подготвува теренот за коренити промени. Душан Влаховиќ се уште има неизвесна иднина и се чини дека е многу поблиску до заминување отколку останување.
Џанлука Скамака би можел да биде негова замена, одлично ја познава италијанската Серија А, Италијанец е, а пред да замине во Англија брилјираше во дресот на Сасуоло со 16 гола во сезоната 2021/22.
