Манчестер Сити успеа да го добие дербито на „Стемфорд бриџ“ против Челси и потсети дека е актуелен првак на Премиер – лигата. Тимот на Пеп Гвардиола одигра одличен меч, а славеше со голот на Габриел Хесус во 55.минута од дуелот.
Манчестер Јунајтед го доживеа првиот пораз оваа сезона, и тоа на „Олд Трафорд“. Астон Вила освои три бода, откако Кертни Хаус во 88.минута го совлада Де Хеа со удар со глава по корнерот од левата страна. Јунајтед имаше можност за израмнување во судиското продолжение, но Бруно Фернандеш не успеа да реализира пенал. Ја испрати топката високо над гредата.
