Четвртфиналистот од минатата сезона во Лигата на шампионите, Атлетико Мадрид, има амбиции за поуспешно претставување оваа година, со цел да ја задржи добрата форма и да се стреми кон финалето. Ова го изјави тренерот Диего Симеоне на прес-конференцијата пред натпреварот со Баер Леверкузен во вторник.
Атлетико Мадрид е единствениот тим кој трипати стигнал до финалето во Лигата на шампионите, но не успеал да го освои трофејот, со два порази од Реал Мадрид во 2014 и 2016 година.
Шпанскиот тим ќе го пречека Баер Леверкузен, кој има 11 последовни победи во сите натпреварувања, додека Атлетико загуби од Леганес во последниот натпревар.
„Ќе играме со цел да победиме. Клубот никогаш не ја освоил Лигата на шампионите и нашата цел е да стигнеме до тоа толку посакувано финале“, изјави Диего Симеоне.
Баер Леверкузен е на четвртото место на табелата со 13 бода од шест натпревари, додека Атлетико е на 11-то место, со еден бод помалку.
„Чаби Алонсо прави одлична работа. Она што го направи минатата година, изгледа ќе го повтори. Тој има јасна визија за фудбалот, како што играше на средината на теренот, од каде најдобро се гледа играта. Имаше и фантастични тренери додека беше играч“, додаде аргентинскиот стратег за својот противник.
