Со извонредна серија од седум едноподруго натпревар без пораз Силекс ја заврши есенската сезона. Кратовци пред своите навивачи во премиерниот натпревар од 18. коло во Првата македонска фудбалска лига славеа и против Академија Пандев со убедливи 3-1 (1-0).
Победата на Силекс ја најави Виктор Серафимовски во 41. минута, а потоа на 2-0 зголеми Дарко Додев во 61. минута. Миловановиќ во 63. минута намали за струмичани, но подобрата игра домашните ја крунисаа со уште еден гол на Срѓан Драшковиќ во 69. минута за конечни 3-1.
По оваа победа Силекс се израмни со Шкендија и Академија Пандев со 27 бода на делба на второто место на табелата.
ПРВА ЛИГА – 18. КОЛО
Кратово: СИЛЕКС – АК. ПАНДЕВ 3-1
УТРЕ (13 ч.)
Скопје: ВАРДАР – ШКЕНДИЈА
Струга: СТРУГА ТЛ – БОРЕЦ
Скопје: ШКУПИ – МАКЕДОНИЈА ЃП
Тетово: РЕНОВА – РАБОТНИЧКИ
Standings provided by Sofascore LiveScore
