Тимот на Штутгарт оствари убедлив триумф на отворањето на новата сезона во Бундес – лигата совладувајќи го Гројтер Фурт на домашен терен со 5-1. Македонскиот репрезентативец Дарко Чурлинов остана на клупата за резерви, а неговите соиграчи беа доминантни на теренот.
Ебдо го отвори резултатот, а Клемен до крајот на првиот дел зголеми на 2-0. Во второто полувреме погодија и Кемпф двапати и Ал Гадиу. Почесниот гол за гостите беше дело на Левелинг.
Хофенхајм со 0-4 славеше на гости против Аугсбург со головите на Брун Ларсен, Адамјан, Рутер и Руди. Волфсбург оствари минимален триумф (1-0) над Бохум со голот на Вегорст, а Унион Берлин и Баер Леверкузен ремизираа 1-1. Арминија и Фрајбург одиграа без голови.
