Македонскиот прволигаш Шкупи во зимската пауза ќе менува во делот на раководниот сектор. Клубот од Чаир информира дека спогодбено ја раскина соработката со спортскиот директор Дамир Ибриќ. Тој во изминатите шест месеци ја извршуваше оваа функција во Шкупи.
„ФК Шкупи сака да соопшти дека по шестмесечна соработка со билатерален договор ја раскинавме соработката со спортскиот директор Дамир Ибриќ. Му благодариме на господинот Ибрич за неговиот вреден придонес во овој период. Му посакуваме континуиран успех во кариерата и изразуваме благодарност за неговата посветеност“, објави Шкупи.
