Македонскиот прволигаш Шкупи означи старт на подготовките, а раководството размислува и на иднината. Тимот од Чаир потпиша професионални договори со младите фудбалери Реџјан Абази и Билал Исени.
Абази игра позицијата напаѓач и има 18 години. Државјанин е на Канада, каде и ја започнува својата фудбалска кариера, во Универзитетот Мекгил, а во Шкупи доаѓа од редовите на Работнички, каде со успеси настапуваше во младинските категории.
Билал Исени, има 19 години и е фудбалер кој доаѓа од школата на Шкупи. Исени игра на позицијата лев дефанзивец, а досега ги бранел боите на Вардар Форино и Велазерими.
