Шаќири: Шкендија сака пласман во следното коло

Македонскиот претставник Шкендија утре (20 часот) го игра реванш мечот против Валмиера во квалификациите за Конференциската лига. Тренерот Артим Шаќири најавува офанзивен пристап и стратегија за пласман во следното коло од ова натпреварување.

“Подготвени сме за ново надигрување. Ќе играме офанзивно, сакаме да изградиме еден препознатлив стил за Шкендија, но мора да внимаваме и на нивните брзи напаѓачи. Со поддршка од публиката, се надевам дека ќе забележиме нов успех”, изјави Артим Шаќири.