Шкендија успеа да слави заслужен триумф против Валмиера во Рига, во првиот меч од второто коло во Конференциската лига на УЕФА. Сега останува на реваншот во Скопје да го потврди пласманот во следната рунда.
Тренерот Артим Шаќири не го криеше задоволството од победата, но жали што не беа реализирани уште неколку шанси.
„Очекувавме дека ќе имаме тежок натпревар против Валмиера. Создадовме многу шанси и мислам дека можевме да постигнеме најмалку уште три гола. Сепак, обезбедивме предност пред реваншот, а мораме да бидеме внимателни бидејќи ништо не е завршено“, изјави Артим Шаќири на прес – конференцијата во Рига.
