Жорис Њањон е француски дефанзивен играч кого Севилја го доведе од Рен во 2018 година за 13,5 милиони евра. Но, сега тој доби отказ од шпанскиот прволигаш поради прекумерната тежина и фактот дека физички не е подготвен за професионален фудбал, пренесува „Марка“.
Њањон одигра 17 натпревари за Севилја, од кои седум во Ла Лига, четири во Копа дел Реј и шест во Лига Европа, сите во сезоната 2018/19, негова прва во шпанскиот тим. Оттогаш, тој не можеше да се избори за место во составот со својот пристап на тренинзите.
Севилја повеќе не сакаше да го толерира недостатокот на професионализам и го отпушти францускиот дефанзивец.
