Поранешниот истакнат украински репрезентативец Сергеј Ребров ќе биде нов селектор на националниот тим на Украина. Тој в понеделник треба да потпише двегодишен договор и да биде претставен на новата функција.
Ребров го раскина договорот со Ал-Аин од Обединетите Арапски Емирати за да седне на селекторската клупа на Украинците. Тој ќе го наследи Андриј Шевченко, кој на 1 август ја напушти функцијата во украинската репрезентација.
