Последнопласираниот тим во Чемпионшип дивизијата, Плимут, направи сензација и го елиминира Ливерпул, лидерот во Премиер – лигата, од натпреварувањето во ФА купот на Англија. Плимут славеше со 1-0, а единствениот гол го постигна Рајан Харди од пенал во 53.минута.
Арне Слот на овој меч не сметаше на Салах, Ван Дајк и Мекалистер, но и без тоа изведе на теренот силен тим. Во вториот дел го уфрли на теренот и Дарвин Нуњез, но Ливерпул не успеа да постигне погодок за израмнување и доживеа сензационална елиминација.
