Англија го објави поширокиот состав од 33 играчи за претстојниот шампионат ЕВРО 2024 ова лето. Селекторот Герет Саутгејт ги изостави поранешниот играч од средниот ред на Ливерпул, Џордан Хендерсон, како и напаѓачот на Манчестер Јунајтед, Маркус Рашфорд. Ги нема ниту Џејдон Санчо и Рахим Стерлинг од оние кои во минатото играа важна улога.
Квартетот на Кристал Палас, Еберечи Езе, Адам Вартон, Марк Гуехи и Дин Хендерсон, се дел од тимот на „трите лава“, како и тандемот на Ливерпул, Кертис Џонс и Џерел Кванса.
Се разбира, на списокот се Хари Кејн, Џуд Белингам, Фил Фоден, но и Лук Шо, кој подолг период беше повреден и сѐ уште е неизвесно во каква здравствена состојба ќе биде до почетокот на Европското првенство.
