Клубовите од Саудиска Арабија се подготвени да платат 100 милиони евра за да го ангажираат играчот од средниот ред на Манчестер Јунајтед, Бруно Фернандеш. За потписот на Португалецот во конкуренција се Ал-Хилал, Ал-Наср, Ал-Итихад и Ал-Ахли, пренесува „Фишајес“.
Бруно Фернандеш е капитен на Манчестер Јунајтед и е посветен на клубот на долг рок, со договор до 2026 година, кој може да биде продолжен за дополнителни 12 месеци. Репрезентативецот на Португалија придонесе со 68 гола и 57 асистенции во неговите 201 настапи во сите натпреварувања, освојувајќи го Карабао купот во неговиот досегашен период на „Олд Трафорд“.
„Црвените ѓаволи“ немаат голема желба да се разделат со толку клучна фигура во својот тим, особено во овој момент, кога тимот е во сериозна криза. Сепак, генерирањето на толку голема сума пари од продажбата на еден играч во голема мера ќе ги зголеми нивните шанси за засилување на неколку позиции.
Евентуалната продажба на Бруно Фернадеш би можела да помогне и на друг начин. Не е тајна дека Јунајтед има сериозни проблеми со финансискиот фер-плеј, по неодамнешните тврдења дека ќе мора да одат на „евтини зделки“ доколку сакаат да прават бизнис во јануари.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski